അന്‍റാര്‍ട്ടിക്കിലെ ഗംഗ !

അന്‍റാർട്ടിക്കയിലെ ഇന്ത്യൻ സാന്നിധ്യം

1983 ആഗസ്റ്റ് 19 ന് ഇന്ത്യ അന്റാർട്ടിക്ക് ഉടമ്പടി ഒപ്പുവെച്ചു.ഒരു സ്ഥിരം താവളവും അതേ വർഷം തന്നെ അന്റാർട്ടിക്കയിൽ സ്ഥാപിച്ചു.ഗംഗാനദിയുടെ ഉൽഭവസ്ഥാനമായ ഗംഗോത്രി എന്ന ഹിമാനിയെ ഓർമിച്ചു കൊണ്ട് ഭക്ഷിണ ഗംഗോത്രി എന്ന പേരും നൽകി. തടിയിൽ നിർമിച്ച് ലോഹ പാളികൾ കൊണ്ട് പൊതിഞ്ഞതായിരുന്നു ഈ വാസ കേന്ദ്രത്തിന്റെ ഘടന.
ഒരു ലബോറട്ടറി,ചെറിയ രീതിയിൽ ശസ്ത്രക്രിയ ചെയ്യാനുള്ള ഓപ്പറേഷൻ തിയേറ്റർ ,മുറിക്കുള്ളിൽ ചൂട് പകരാനായി ചൂട് വെള്ളം ചംക്രമണം ചെയ്യുന്ന സംവിധാനവും ഉണ്ടായിരുന്നു. മണ്ണെണ്ണയിൽ പ്രവർത്തിക്കുന്ന മൂന്ന് ജനറേറ്ററുകളിൽ നിന്നായിരുന്നു വൈദ്യുതി ലഭിച്ചിരുന്നത്.
കേണൽ ശർമയുടെ നേതൃത്വത്തിൽ പന്ത്രണ്ടംഗ ഇന്ത്യൻ സംഘമാണ് ആദ്യമായി ഇതിൽ ശൈത്യകാലം ചെലവഴിച്ചത്.1991 ഓടു കൂടി ഈ കേന്ദ്രം ഉപേക്ഷിച്ചു.1988-89 കാലഘട്ടത്തിൽ ഇന്ത്യയുടെ രണ്ടാമത്തെ സ്ഥിരം സ്‌റ്റേഷനായ മൈത്രി നിർമിച്ചു. ഷിർമാഷർ മരുപ്പച്ച എന്നറിയപ്പെടുന്ന പ്രദേശത്താണിത് സ്ഥാപിച്ചത്.അതിശൈത്യകാലത്ത് 25 പേർക്ക് താമസിക്കാനുള്ള സൗകര്യം ഇവിടെയുണ്ട്